O CICLO DO ENTROIDO É o período de tempo no que se celebra o Entroido, xeralmente entre os meses de febreiro ou marzo, e con diferente duración segundo os lugares. O de Xinzo de Limia é o que se considera o máis longo e as súas datas fundamentais. Aínda que non se celebran todas en todos os lugares, son, por orde cronolóxica: Domingo Fareleiro Domingo Oleiro Xoves de Compadres Domingo Corredoiro Xoves de Comadres Domingo de Entroido Luns de Entroido Martes de Entroido Mércores de Cinza e Domingo de Piñata.

Domingo Fareleiro Os veciños enzoufábanse cos farelos que se lle daban aos animais e na actualidade fano con fariña.

Domingo Oleiro Faise unha rolda nun espazo aberto e vaise pasando unha ola de barro chea de fariña, auga, viño…ao que se lle rompa….terá que pagar uns viños ou o que se acorde.

Xoves de Compadres No de compadres, as mulleres fabrican uns bonecos con palla e roupas vellas ridiculizando aos homes. Colócanse nun lugar público á vista de todos.

Domingo Corredoiro Unha semana antes do domingo de entroido a xente comenza a “correr o carnaval” detrás do Meco que se colga na Praza da vila. A él botaráselle a culpa de todo o malo acontecido ao longo do ano.

Xoves de Comadres No xoves de Comadres son os homes os que tentan ridiculizar a mulleres facendo bonecas de palla que visten con roupas vellas.

Mércores de Cinza Enterro e queima da Sardiña, do Meco, do Loro Ravachol (en Pontevedra), do Castrón (en Coruxo)… É o remate oficial do Entroido

"Adiós martes de entroido, adiós, meu amiguiño, ata o Domingo de Pascua non comerei máis touciño” Popular

Unha producción de MEIGATINTUREIRA FILMS