MULLERES E ARTE

A Historia da Arte nega ás “mulleres” e afirma á “muller”

A muller vai ser representada en dúas versións: unha como nai abnegada e submisa, e a versión negativa, terrorífica, a causante de todos os males, ¿María ou Eva?

  A imaxe que se ofrece dunha muller no anuncio, no filme, na revista,... están a cada paso construíndo, segundo as pautas dominantes na sociedade, o ideal de muller co que tenderemos a identificarnos. ¿Pódese facer arte con outra misión que a de dar pracer ó home?

A arte feminista – que non é o mesmo que arte feita por mulleres senón unha arte que manifesta un compromiso cunha busca da identidade plástica en feminino- constitúese finalmente coma unha tradición no século xx.” ¿É o mesmo arte feminista que arte feita por mulleres?

Infravalorada intelectualmente e relegada a un espacio moi concreto e restrinxido no que as posibilidades de formación eran escasas, a muller atopou na Europa Occidental dos séculos X a XVIII barreiras insalvables para a súa inclusión como suxeito no mundo da arte. ¿De cantas pintoras tes lido nos teus estudios sobre arte? Probablemente de ningunha, ¿non é raro?

Os artistas reflectían nas súas obras a visión do mundo que se consideraba aceptable para a arte despreciando así outras que socialmente non tiñan prestixio, do mesmo xeito os críticos e historiadores de arte salientan só algunhas produccións como arte mentras que as obras de bordado, encaixe, etc. de moitas mulleres xamais satisfacían os seus criterios. ¿O persoal e o doméstico tamén son do ámbito político?

Algunhas artistas utilizan o seu corpo como vehículo da súa obra, outras moitas mulleres utilizan o seu corpo para modelar a imaxe que a sociedade desexa. ¿O corpo como soporte?

A realidade é unha invención que se pode cuestionar. O imaxinario e o simbólico inflúen no real, así o real pode considerarse coma un marco baleiro que se constrúe mediante o simbólico e o imaxinario.  ¿As imaxes reflicten a realidade tal cal é?

A imaxe que se ofrece dunha muller no anuncio, no filme, na revista,... están a cada paso construíndo, segundo as pautas dominantes na sociedade, o ideal de muller co que tenderemos a identificarnos, copiando modas, formas, xestos, actitudes, miradas, funcións, aínda que non sexamos conscientes diso, os nosos desexos non son exactamente nosos, son froito do que desexan os que teñen o poder na sociedade, así os que detentan o poder económico, relixioso, etc, xeralmente varóns, amósannos a todas o que debemos ser e o que debemos querer: belas, delgadas, seductoras, amorosas nais.... ¿Quen determina como “deberían ser” as mulleres?

A arte trata de intervir nos procesos de construcción da suxeitividade, que seguramente ninguén de nós desexa deixar en máns dos que dirixen os medios de comunicación, dos enxeñeiros xenéticos ou das multinacionais. Aquí entra a arte que se encara coa cuestión da identidade, do suxeito ¿quen somos? e sobre todo ¿como nos queremos facer?; alén dos espacios que se nos asignaron ¿cal é o noso espacio? Esta é a dimensión política e reivindicativa da arte. ¿Ten algunha relación a arte coa política?

A arte, a cotío, non reflicte a realidade tal como é, non hai unha representación neutral, obxectiva; necesariamente a representación leva consigo unha interpretación por parte do suxeito que a produce, de xeito que sendo a meirande parte dos artistas homes, é o imaxinario colectivo destes o que se plasma nas súas obras. ¿O/a artista é neutral cando produce a súa obra?

Aparece a performer vestida con uniforme de criada e mandil, séntase diante dun ordenador e empeza a escribir estas palabras: “Esta é unha historia acerca do traballo sen fin. Esta é unha historia acerca do traballo das mulleres polo mantemento e a supervivencia. Esta é unha historia acerca do traballo do corpo da muller na invisible economía feminina da producción e a reproducción. Mentres, a seguinte serie de palabras proxéctase nunha pantalla de vídeo: Limpar, lavar, varrer, cociñar, comprar, arquivar, seleccionar, copiar, cursar, cortar, varrer, pegar, insertar, formatear, enviar e-mails, gritar, buscar, clickar, quitar o po, limpar, etc." Faith Wilding

Adrian Piper Adrian Piper

Shirin Neshat

Paula Rego

Cindy Sherman

Maruja Mallo

María Martinez

Mariko Mori

Marina Abramovic

Nan Goldin

Nancy Holt

Georgia Okeeffe

Remedios Varo

Sarah Lucas

Louise Bourgeois

Frida Kahlo

Lilia Costa

Lola Alvarez

Betsabe Romero

Sherrie Levine

Shirin Neshat

Marylin Silverston

Tina Modotti

Tina Modotti

Adrian Piper

Ana Mendieta

Ana Mendieta

Ana Mendieta

Annette Messager

Ángeles Santos

Barbara Kruger

Barbara Kruger

Barbara Hepworth

Cándida Hofer

Cornalia Urueta

Diane Arbus

Diane Arbus

Doris Salcedo

Dorothea Lange

Eleanor Milne

Ester Hernández

Eva Hesse

Frances Benjamin

Fuka

Gracia Barros

Graciela Iturbide

Greene Renee

Guerrilla Girls

Guerrilla Girls

Heavy Shield

Helen Escobedo

Hhoch

Holzer

Hotoum

Judy Chicago

Judy Chicago

Ouka Leele

Ouka Leele

Sonia Delaunay

Pipilotti Rist