268. Nkosi Umoya Uyavuthuza Nkos’ umoy’ uyavuthuza, Nolwandle selusilwa, Isibhakabhaka simnyama, Alukho nokhuselo.

Yinina ungakhathali Sitshabalala nje? Lonk’ ixesha sizel’ uloyiko, Sikufuph’ engcwabeni.

Umoya namaza othobela, Thula tu, Nokuba lulwandl’ olulwayo, iidemoni,’bantu, nokuba yini, Angekh’ itshon’ inqanaw’ enaYe

oyiNkosi yomhlaba nolwandle; Konke kothula kuthobele, Thula tu! Thula tu! Konke kothula kuthobele, Kuthule tu.

Nkosi ngomoy’ obuhlungu Ndithoba phambi kwaKho, Intliziy’ izel’ iinkathazo, Vuka undisindise.

Isono kwanobuhlungu, zindigubungele; O, Nkosi yam ndiyatshabalala, Yiza undisindise.

Umoya namaza othobela, Thula tu, Nokuba lulwandl’ olulwayo, iidemoni,’bantu, nokuba yini, Angekh’ itshon’ inqanaw’ enaYe

oyiNkosi yomhlaba nolwandle; Konke kothula kuthobele, Thula tu! Thula tu! Konke kothula kuthobele, Kuthule tu.

Nkosi ingoz’ iphelile, Konke sekuzolile; Liyakhanya nalo ilanga, Wonwabil’ umphefumlo.

Ndigcine O, Mkhululi wam, Mandingabi ndedwa, Ngovuyo ndowela ndisindile, Ndiphumle ngaphesheya.

Umoya namaza othobela, Thula tu, Nokuba lulwandl’ olulwayo, iidemoni,’bantu, nokuba yini, Angekh’ itshon’ inqanaw’ enaYe

oyiNkosi yomhlaba nolwandle; Konke kothula kuthobele, Thula tu! Thula tu! Konke kothula kuthobele, Kuthule tu.