Puxémoslle nome ás persoas: Suso, Maruxa… Aos apelidos: Vázquez, Nogueira… e alcumes: O Rachaoferro, O Bichoguizo…

Puxémoslle nomes ás nosas árbores: abeneiro, freixo, carballo, salgueiro, cerdeira… E apelidos: Carballa da Rocha, Castiñeiro da Capela... Botamos aturuxos, arroutadas... e damos o colo, apertas...

Puxémoslle nome ás froitas: pexego, mazá, fatón, laranxa, amorodo... Aos arbustos: silva, xesta, salgueiro, carqueixa, toxo...

Ás comidas: grelos, cacheira, touciño, freba... aos insectos: vagalume, escornabois, vacaloura, cascuda...

Aos peixes: xouba, ollomol, pescada, robaliza... e aos mariscos: vieira, zamburiña, ameixa...

Ás nosas praias: de Rodas, A Rapadoira, As Combouzas, As Catedrais...

Ás serras: O Larouco, A Capelada, O Eixo... Aos montes: A Zapateira, O Galiñeiro, ...

Ás rochas: Pena Corneira, A Pedra de Abalar, A Marola...

Aos ríos: Toxa, Xallas, Anllóns...

Ás vilas: Soutelo, A Peroxa, A Picota, Montederramo, O Carballiño...

Aos males: Mal de Ollo, O Arangaño... Aos nosos medos: A Santa Compaña, O Negro Meigallo, A Estantía...

Aos nosos heroes: O Foucellas, Roi Xordo...

Aos monstros: O Sacauntos, O Fendetestas... Ás vacas: A Marela, A Xeitosa, Rubia...

Aos disfraces: Peliqueiro, Boteiro, Cigarrón... Aos vestidos: saia, polaina...

Aos sentimentos: morriña, agarimo, ledicia... Aos santos: A Franqueira, O Corpiño...

Ás nosas festas: A Rapa das Bestas, O Magosto... Á musica: os alalás, a chouteira, a muiñeira...

Aos xogos: a billarda, a porca... Ás partes do corpo: as costas, os xeonllos, os nocellos...

Aos paxaros: paporrubio, rula, pomba, carrizo...

Dispoñemos de sistemas operativos informáticos na nosa lingua…

…de telefonía móbil…

…xogos “na rede” na nosa lingua…

…xornais dixitais en galego…

…buscadores…

..e o galego ábrenos as portas a máis de 220 millóns de persoas en todo o mundo, a través da lusofonía

....e agora veñen con que para que serve o galego!

Pois é obvio...

para entendérmonos.